ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកទឹកចិត្តទៅដល់ក្រុមហ៊ុនឯកជនមកធ្វើការវិនិយោគកន្លែងចតឡានទំនើបនៅក្នុងរាជធានីភ្នំពេញ ដោយថាបច្ចុប្បន្នបន្ទាប់ពីហេដ្ឋារចនាសម្ព័ន្ធបានអភិវឌ្ឍន៍ ស្តានភាពប្រជាជនមានភាពធូរធារ បញ្ហាចោទសំខាន់មួយគឺទាក់ទងជាមួយនឹងការកកស្ទះចរាចរណ៍និងខ្វះកន្លែងចតរថយន្ត។
ថ្លែងនៅក្នុងពិធីបើកការដ្ឋានសាងសង់ស្ពានអាកាសទី៩ ព្រឹកថ្ងៃទី១៧ ខែមិថុនានេះ សម្ដេចធិបតីបានថ្លែងថា៖ «យើងដោះស្រាយបញ្ហាដែលមានចំពោះមុខ អ្វីដែលមានស្រាប់ត្រូវប្រើអស់លទ្ធភាព ដោះស្រាយបញ្ហាលំហូរចរាចរណ៍និងការកកស្ទះ រួមទាំងចំណតយានយន្តផងដែរ»។
សម្ដេចមើលឃើញថាក្នុងស្ថានភាពដែលជីវភាពពលរដ្ឋក្នុងរាជធានីភ្នំពេញមានភាពធូរធារហើយការប្រើប្រាស់យានយន្តមានច្រើនការវិនិយោគចំណតរថយន្តគឺជាការវិនិយោគមួយដែលឆាប់ទទួលបានផលចំំណេញ៕
